|
Hindi Short Stories
"Chalak Bandar"
The Clever Monkey
Kissi nadi ke kinare ek
bahaut bada paed tha. Uss paid par ek bandar rahta tha. Uss paed par
bade meethe phal lagte the. Bandar unhe bharpait khatta aur mauj
udatta. Weh akele hi maje mein din gujjar raha tha.
Ek din ek magar nadi
mein se uss paed ke neeche aaya. Bandar ke poochne par ussne bataya
ki woh wahan khane ki talash mein aaya hai. Es par bandar ne paed se
bahaut se meethe phal tood kar magar ko khane ke liye diye. Es
tarah bandar aur magar ki dosti ho gayi. Aab magar har roj wahan
atta aur dono mil kar khoob phal khatte. Bandar bhi ek dost pa kar
khush tha.
Ek din baat-baat mein
magar ne bandar ko bataya ki uski ek patni hai jo nadi ke uss par
unke ghar mein rhati hai. Tab bandar ne uss bahaut se meethe phal
magar ko uski patni ke liye le jane ke liye diye.
Es tarah magar roj jee
bhar kar phal khatta aur apni patni ke liye bhi le kar jatta. Magar
ki patni ko phal khana accha lagta par pati ka dair se ghar lautana
pasand nahi tha. Ek din magar ki patni ne magar se kaha ki agar
bandar roj-roj etne meethe phal khatta hai to uska kaleja kitna
meetha hoga. Mai uska kaleja khaoongi. Magar ne usse bahaut samjhaya
par weh na maani.
Magarmaach dawat ke
bahane bandar ko apni peeth par baitha kar apne ghar laane
laga. Nadi ke beech mein ussne bandar ko apni patni ki kalejay wali
baat batta di. Es par bandar ne kaha ki woh apna kaleja paed par
chhod aaya hai.Weh usse hifajat ke liye paed par rakhta hai. Esliye
unhe wapis jakar kaleja lanna padega. Magar bandar ko wapis paid ke
pass le gaya. Bandar chalang markar paed par chad gaya. Ussne hans
kar kaha - "Jao Murakh raja, jao ghar jao aur apni patni se kehna ki
tum duniya ke sab se bade murkh ho. Bhala koi bhi apna kaleja nikal
kar alag rakh sakta hai."
Bandar ki samajhdari se
humme patta chaltta hai ki musibat ke waqt humme bahi dhairya nahin
khona chaiye.
Got ! Hindi Short Stories to share. Contribute here...
Back to Hindi Stories Page
|