Aao bachchon tumhen dikhaae jhaanki Hindustaan ki
es mitti se tilak karo ye dharati hai balidaan ki
vande maataram ...
uttar men rakhavaali karataa parvataraaj viraat hai
dakshin mein charanon ko dhotaa saagar kaa samraat hai
jamunaa ji ke tat ko dekho ganga kaa ye ghaat hai
baat-baat pe haat-haat mein yahaan niraalaa thaath hai
dekho ye tasviren apane gaurav ki abhimaan ki,
es mitti se ...
ye hai apanaa raajapuutaanaa naaz ise talavaaron pe
esane saaraa jeevan kaataa barachhi tir kataaron pe
ye prataap kaa vatan palaa hai aazaadi ke naaron pe
kuud padi thi yahaan hazaaron padminiyaan angaaron pe
bol rahi hai kan kan se kurabaani raajasthaan ki
dekho mulk maraathon kaa ye yahaan shivaaji Dolaa thaa
mugalon ki taakat ko jisane talavaaron pe tolaa thaa
har paavat pe aag lagi thi har patthar ek sholaa thaa
boli har-har mahaadev ki bachchaa-bachchaa bolaa thaa
yahaan shivaaji ne rakhi thi laaj hamaari shaan ki
es mitti se ...
jaliyaan vaalaa baag ye dekho yahaan chali thi goliyaan
ye mat puuchho kisane kheli yahaan khoon ki holiyaan
ek taraf banduuken dan dan ek taraf thi toliyaan
maranevaale bol rahe the inaqalaab ki boliyaan
yahan laga di bahanon ne bhi baaji apani jaan ki
es mitti se ...
ye dekho bangal yahaan kaa har chappaa hariyaala hai
yahaan kaa bachchaa-bachchaa apane desh pe maranevaalaa hai
Dhaalaa hai isako bijali ne bhuuchaalon ne paalaa hai
mutthi mein tuufaan bandhaa hai aur praan mein jvaalaa hai
janmabhuumi hai yahi hamaare vir subhaash mahaan ki
es mitti se ...
